ՀԵՆՐԻԿ ԲԱԲԱՋԱՆՅԱՆ. Առակներ, քառյակներ և այլ բանաստեղծություններ

Հագելի ընթերցողնե'ր
Այս քառյակները և առակները գրվել են խորին ապրումներով, դժվարությամբ և մեծ պատասխանատվությամբ: Դժվարությամբ, որովհետև կարճ քառյակներում դժվար է արտահայտել մտքերը և հանգավորել ոճի բոլոր կանոնների համաձայն: Պատասխանատվությամբ, որովհետև ընթերցողը սպսում է հեղինակից
մտերիմ զրույց առօրյա կյանքի, հոգսերի և ցավերի մասին: Գուցե և պատասխան - անպատասխան մնացած հարցերին:
Եթե ունեք որևէ դիտողություն, նկատուղություն, կամ առաջարկություն, կարող եք գրել հետևյալ հասցեյով. http://mail.am-kayq.com/privmsg.php

Հարգանքներով՝ ՀԵՆՐԻԿ ԲԱԲԱՋԱՆՅԱՆ

***
Դավաճանությո՛ւն,
Թեև չունես գույն,
Սակայն ունես թույն,
Ունես դառը համ,
Ունես ծանրություն՝
Առըճճի նման:

***
Թե գտնես մառանում պապիդ
Ոսկի, ադամանդ ու գինի,
Շռայլես, բաժանես բոլորին,
Ընկեր իմ, դա առժեք չունի:
Ուրիշ է վաստակն ի արդար՝
Ինչքան էլ դառնությամբ լինի:

ՀԵՆՐԻԿ ԲԱԲԱՋԱՆՅԱՆ.

ԱՌՅՈՒԾ ԱՐՔԱՆ
Առակ

Կշտացել է Առյուծ արքան,
Որսն ու ընծան շա՜տ են այնքան:
Կանչեց իր մոտ ծեր Աղվեսին,
Ասաց գահից աներեսին,-
- Տու'ր փորոտիքն ու մռութը,
Թող լիանա՜ ժողովուրդը:

Ներիր ինձ, գահ արքայակիր,
Այս է իմաստն այս առակի.-
«Հենց կշտացան արքաները,
Ձերն են, մարդիկ, տականքները»:

***
Կեղծի՛ք , քծնա՛նք … Փախչել փառքով
Կեղծ համբույրիդ խոցից:
Չես տարբերվում, քծնո՛ղ, պագով
Թույնով խայթող օձից:

***
Գողերը հաճախ են մատաղներ անում,
Որ պարտակեն հանցանքներն անցած:
Բայց այդ ինչու՞ է, շատ եմ զարմանում,
Այդպիսի զոհեր ընդունում Աստված:

ՀԵՆՐԻԿ ԲԱԲԱՋԱՆՅԱՆ.

***
Մեկին հարություն է պետք,
Մեկին հուր ու թույն է պետք,
Զուր ես տալիս սևը, Տեր,
Երբ ապրելու գույն է պետք:

***
Մահի համը ահն է բերում,
Կյանքի համը մահն է բերում,
Ստրուկության հա՞մն ես ուզում -
Այն թշնամուդ գահն է բերում:

ՀԵՆՐԻԿ ԲԱԲԱՋԱՆՅԱՆ.

ՕՁՆ ՈՒ ԳԱՆՁԸ
Առակ

Մի թաքցրված գանձարանում՝
Գահից զրկված մի չար շահի,
Մի սև օձ էր տնորինում՝
Նա էր տերը գանձ ու գահի:
Նկուղներում զարզանդ ու մութ,
Ուր չկար դուռ ու լուսամուտ,
Հարստությունն անհայտ ու գոց
Օձ շահի տեղ տիրեց սև օձ:
Ասում են, թե՝ մեռյալ՝ հողում
Դառնում են նենգ մարդիկ սողուն:

Այս է իմաստն այս առակի՝
Հեքիաթային, աներևույթ.
Գահն ու ոսկին, չե'ք առարկի,
Փոխում են վարք, ո'չ թե՝ բնույթ:

ՀԵՆՐԻԿ ԲԱԲԱՋԱՆՅԱՆ.

***
Մուրճով խաչքար եք տաշում,
Տաշում ՝ ձեռքեր եք մաշում...
Մեռնողը լուր չունի, թե
Ողջեն ինչե՜ր են քաշում:

***
Զգույշ, սիրտս բերդ չէ անանց,
Այն կարող է ավերվել:
Նման չէ նա ծախվող անձանց,
Բայց կարող է նվիրվել:

***
Իմ եղբայրն ես, Արարատ,
Հավերժ ես ու անարատ,
Արաքսն էլ մեր քույրն հեզ,
Հայ աստված է ծնել մեզ:

ՀԵՆՐԻԿ ԲԱԲԱՋԱՆՅԱՆ.

ԱՅՍ ԳԱՂԹԵՐԻ ՃԱՄՓԵՔԻՆ

Այս գաղթերի Ճամփեքին,
Քանի՜ սար ենք կորցրել,
Քանի՜ դար ենք կորցրել:
Ծնող մայր ու
Մաճկալ հայր,
Կռվող այր ենք կորցրել:
Սնող վայր՝
Ընդ Ավարայր -
Սրբավայր ենք կորցրել:
Խրոխտ քայլ ու
Հազար այլ՝
Մտքի փայլ ենք կորցրել:
Բյուր բարիք
Ու վառ գալիք,
Ջահ տարիք ենք կորցրել:
Սրտի հուր
Ու կյանքի ջուր,
Խնկի բույր ենք կորցրել:
Բազկի ուժ
Ու սիրո հույզ,
Հավատ, հույս ենք կորցրել:
Մանկան ճիչ
Ու ծով ու լիճ
Մի՞թե քիչ ենք կորցրել:
Սար ու լանջ
Ու հովիվ մանչ,
Յարի կանչ ենք կորցրել:
Սիրո երգ
Ու կրքի բերք,
Հույզ ու հևք ենք կորցրել:
Ջինջ երկինք
Ու հող-հերկունք,
Սուրբ երկունք ենք կորցրել...
Այս ավերի,
Այս դավերի,
Այս ցավերի Ճամփեքին:
Այս դեռ գերի,
Այս դառ, թերի,
Այս դարդեր,
Անհաղթելի՝
Այս գաղթերի ճամփեքին:

ՀԵՆՐԻԿ ԲԱԲԱՋԱՆՅԱՆ.

***

Մարդը Աստծու մոտ եղավ –
Մարդուց Աստծու հոտ եկավ,
Մարդը մարդու մոտ եղավ –
Մարդուց մարդու հոտ եկավ,
Մարդը վարդի մոտ եղավ -
Մարդուց վարդի հոտ եկավ:
Որտե՞ղ եղար, տմարդի,
Որ նամարդի հոտ եկավ:

ՀԵՆՐԻԿ ԲԱԲԱՋԱՆՅԱՆ

***
Դեղ ու ճարի դառն է լավ,
Սիրո, կրքի խառն է լավ,
Ջերմ համբուրող թշնամուց
Բարեկամի սառն է լավ:

***
Այն, ինչ կյանքում եղավ հարկավ,
Մի օր պիտի հանձնենք հողին -
Մի տիկ դառ ջուր, մի բուռ շեկ կավ,
Մի լեռ տանջանք ու մի բեռ ցավ:

ՀԵՆՐԻԿ ԲԱԲԱՋԱՆՅԱՆ

ՀԱՅՈՒԹՅԱՆԸ

Վասն հայրենյաց, ի դեմ նենգ չարի,
Պարիսպ պիտ լինենք շանթ-կայծաքարի,
Կամ էլ երկաթե հրակոփ շղթա...
Բայց նման ենք թանկ ուլունքաշարի:

1915 թիվ.

Երբ մարում էին ցավից ճչերը,
Արյունով լցնում անտակ լճերը,
Քնած խղճերից՝ տերությունների,
Արթնացան, ափսո՜ս, անչափ քչերը:

ՀԵՆՐԻԿ ԲԱԲԱՋԱՆՅԱՆ

Իմ անձնագիրը:	Անձնագիր � Կառավարում � Փոստ � Հյուրատետր � Ընկերներ � Սև ցուցակ � Գրառման գրքույկ � Հասցեների գրքույկ
Զրույց:	Սկիզբ � Ֆորումներ � Օրագրեր � Ակումբներ � Տեսախցիկ � Լուս. ալբոմներ � Ծանոթություններ � Օգտվող
Ժամանց:	Գեղեցկության մրցույթ
Օգտակար:	Սմայլիկներ � Անձնանշաններ

� 2007-2012 26l.mobi	Abuse
Desktop Version
Հայերեն � Беларуская � Nederlands � English � Français � ქართული � Deutsch � Lietuvių � Русский � Українська �