Անմահ գաղափարներ......

Ազգայնական գաղափարախոսությունը
խարսխված է նախնյաց գենի պահպանման,
զորեղ հայրենիքի կերտման ու սոցիալական
արդարության հաստատման սկզբունքների վրա:

Բնավորություն . այն մեր էության մեջ թագավորող
կրքերի առագաստն է. եթե այդ կրքերը խորունկ են,
զերծ վայրի բնության շնչից, ուրեմն այն իր տիրոջ
համար ունակ է նվաճելու բարձունքներ, իսկ եթե այդ
կրքերը ծարավ չեն ոչ ստեղծելու ու ոչ էլ
պահպանելու մնայուն արժեքներ, ուրեմն այն իր
տիրոջ համար պատրաստ է նվաճել միայն
անփառունակ ներկա ու նաև վախճան:

Ժան Ժակ Ռուսո`, ազնվագույններից ազնվագույն .
սոցիալական արդարության գաղափարի վեհ
ուսուցիչ , որն իր անմահ գաղափարներով
բարուրեց տարբեր բնավորությամբ օժտված ,
բայց միևնույն էությունն ունեցող հանճարների`
Ռոբեսպիերին ու Բոնապարտին , բայց վերջինս
չդիմակայեց իսկությանը ու չկորցնելով իր
էության վեհ անցյալը` վերածվեծ Նապոլեոնի

Այդ մեծ վերքերն են լույս աշխարհ բերում
մեծություններին,իսկ հետո, կառչելով նրանց
պողպատե կամքից ու իմաստությունից, նրանց
պարուրում անմահ փառքով,իսկ հետո հավերժ
կալանում իրենց մենության զնդանում:

հեղինակ ՄԵԿ ԱԶԳ ԿՈՒՍԱԿՑՈՒԹՅԱՆ ԱՌԱՋՆՈՐԴ՝ ԳՈՌ ԹԱՄԱԶՅԱՆ

Ֆլեշ ֆիլմերը նոր պատուհանում բացել

Հոգեպես զորեղ անհատականությունները խորը
երաժշտության միջոցով շատ հաճախ խոսում են
իրենց հոգու ոչ սպիացած վերքերի հետ, ու այդ
նույն վերքերի միջոցով նոր ուժ են փոխանցում
իրենց կամքին ու մտքին:

Ովքեր զուրկ են խղճի զգացումից, երբեք չեն
կարող լինել իրենց իսկ անձի ոչ դատավորը, ոչ էլ
դատախազը. նմաններից նախ պետք է զգուշանալ,
իսկ հետո արդեն` նրանց դեմ անհաշտ պայքարել:

Նա, ով հեգնում է բարոյական լինելու մոտեցումը,
ինքնին արդեն հեգնում է մարդկային առաքինության
գաղափարը:

Այս կյանքում թող մեզ լոկ զարմացնի բարոյական վարքը և այն տաղանդը, որն ունակ է զարմացնելու հանճարին։

Միայն գերքաջությամբ ու հանճարով պարուրված կամք, ահա բանալին դեպի անմահություն։

Հայրենիքը հզոր է իր մեծ հերոսներով, դժբախտ` իր իսկ հողի վրա ապրող ամբոխով։

Նա, ով ինքնուրույն կարողանում է մասսաներին նվաճել, ուղղորդել, նմաններին կարող է կործանել լոկ դավաճանությունը։

Կանանց հաջողվել է պատմության մեջ լոկ թափանցել, կամ իրենց հսկա ամուսինների, կամ իրենց սիրեկանների, կամ իրենց հսկա որդիների միջոցով, և վերջ:

Երբ հայացք ես գցում ետ, գարշանք ես զգում, և սկսում ես ամաչել, իսկ երբ ավելի ետ, սիրտդ գերհպարտության ավյունով է լցվում. սա է այն ճանապարհը, որով անցել է Հայ ազգը։

Անէությունը երբեք չի դիմանում վեհության ծանրությանը։

Մեծերին հավասարվում են ոչ թե գիտելիքներով, այլ միմիայն պողպատե կենսագրությամբ։

Ում կիրքը ռազմական փառքն է ու մշակույթը, նա է սերունդների գերհպարտությունը։

Ամենասարսափելին այն է, երբ ժողովուրդը համակերպվում է անարդարության հետ։

Եթե Բոնապարտը չդառնար Նապոլեոն, նրան չէր հաջողվի մնալ համաշխարհային պատմության էջերում, հետևաբար` հիշվում են միայն նվաճող հանճարները։

Լինել տարբեր բոլորի մեջ, լինել տարբեր տարբերների մեջ, ահա մեծության ճանապարհը։

Հայրենասերը իր հպարտությունը բավարարում է այն ժամանակ, երբ կանգնում է իր իսկ կողմից ազատագրված հողի վրա, և այդ նույն հողում կերտում
մեծ հայրենիք։

ՀԵՂԻՆԱԿ ՄԵԿ ԱԶԳ ԿՈՒՍԱԿՑՈՒԹՅԱՆ ԱՌԱՋՆՈՐԴ՝ ԳՈՌ ԹԱՄԱԶՅԱՆ

Ֆլեշ ֆիլմերը նոր պատուհանում բացել

Ցուրաքանչյուր փիլիսոփա կիսով չափ հեղափոխական է, իսկ յուրաքանչյուր հեղափոխական` կիսով չափ փիլիսոփա։

Միայնակությունը հաճախ կոփում է, հաճախ էլ` խենթացնում։

Մշակույթը ազգի ստեղծագործ էությունն է։

Ազատատենչությունը բռնակալների վախճանի սկիզբն է։

Քանի դեռ խրճիթները մեկ բռունցք չեն դարձել ընդդեմ դղյակների, զուր են աղոթքները։

Մինչև չծնվես, այդպիսին չես դառնա։

Վախեցիր առաջինը քեզանից, երկրորդը` ժամանակից։

Բարոյականություն, իմաստություն, և թախիծ, ահա այն շաղախումը, որը կոչվում է վեհություն։

Երբ նայում ես բռնակալի աչքերին, տեսնում ես ամբոխին, իսկ ամբոխի աչքերում` բռնակալին, ահա չարքը երկոտանի։

Հին Հռոմի փառքը հենվում էր մեկ կարգախոսի վրա` ստեղծիր, պահպանիր, նվաճիր, որի զուգորդումից ավելի շատ ծնվում էին Մարիոսներ, Պոմպեոսներ, և Կեսարներ, ահա և ողջ գաղտնիքը։

Հեղափոխությունը կատարում են լոկ սվիններով, որից նաև օգտվում են մասսաները, իսկ հեղաշրջումը հաճախ մեկ կրակոցով, որից օգտվում են միայն նրանք, ովքեր երեկ էլ էին օգտվում, վերջիններս սարսափում են հեղափոխությունից։

Երբ որդեգրում ես որևիցե նպատակ, նախ հոգեպես պետք է անցնես այդ ճանապարհը, եթե ոչ` ուրեմն արդեն
պարտված ես։

Գրեթե միշտ ժողովուրդն իր հսկային չի նկատում, իսկ
օտարն ընդհակառակը` միշտ նկատում է:

Առաջնորդը միշտ իր թիկունքում առնվազն ունենում է մեկ տասնյակ հավատարիմ մարդ, իսկ բռնակալը` նույնիսկ մեկը չի ունենում:

Բռնակալները սովորաբար առաջինը սպանում են մարդկանց
գիտակցության մեջ հավատը ազատության հաղթանակի նկատմամբ, եթե ոչ, ապա այդ նույն հավատը
սպանում է իրենց։

Դավաճանությունից նողկալի միայն դավաճանությունն է:

Հռետորի խոսքը պետք է լինի ինքնավստահ, պարզ, հստակ, կրքոտ, իսկ նրա հայացքը պետք է ճանապարհ բացի իր
տիրոջ համար, և միայն այդ ժամանակ օվացիան
կթակի դուռը։

Այն փառասիրությունը, որ ուղղորդվում է վեհության սկզբունքով, մեզ միշտ տանում է դեպի անմահություն, իսկ փառամոլությունը` միշտ դեպի անէություն։

Հիասթափությունն ուժեղին կոփում է, իսկ թույլին` սպանում։

Մեծերը գրեթե միշտ միայնակ են, քանի որ միշտ
առաջինն են նկատում անէությունը։

Ինչն է ավելի զորեղ` սերը, կիրքը, թե շահը. վերջինս միշտ գերադասում է թույնը, երկրորդը` դաշույնը, իսկ
սերը` միշտ սուրը։

Բռնակալը և ամբոխը նման են մեկ-մեկու, վախը, եսամոլությունը, նյութապաշտությունը, մեծամտությունը առանց, որի երկուսն էլ չեն կարող ապրել:

Ազգայնականություն, այն մի աշխարհ է, ուր թագավորում է իմաստությունը, արդարությունը, գերքաջությունը, ու
հանճարը, իր թևի տակ առնելով բոլորին։

Երբ հույսը վերածվում է կուռ հավատի, ծնվում է
անսպառ կամք, որն ունակ է հաղթահարել
ցանկացած խոչընդոտ։

Ամբոխը բռնակալին սովորաբար իր մահից հետո մեծարում
է որպես հերոսի, իսկ երեկվա հերոսին իր մահից
հետո` շատ արագ ուրանում։

Բոլորս գերադասում ենք արագ մահը, բայց ի վերջո ճաշակում դանդաղ մահ, իսկ անմահություն` չափազանց քչերը։

Կան ժողովուրդներ, որոնք այլևս ունակ չեն ծնելու
կերտողներ, նրանք արդեն շատ վաղուց ազգ չեն։

Երբ կրքոտ ու դիպուկ խոսքը շաղախվում է կուռ հայացքով, որը խոսում է բյուր ուղեղների հետ, և այն վերածում է ծով զգացմունքի, ու իր կամքը բաժանում բոլորին, ուրեմն ամբիոնի առջև առաջնորդ է կանգնած:

Յուրաքանչյուր քաղաքական ռեժիմ ստեղծում է իր էությանը ներդաշնակ մտավորականություն, և որպես կանոն նրանց շուրթերով արդարանում կամ մեղադրում։

Երբ ունես մեծ նպատակ, որով ապրում ես, էլ ոչ մի ցավ քեզ չի կարող կոտրել. կառչելով քո մեծ երազից` դու նորից ոտքի կանգնիր։

ՀԵՂԻՆԱԿ ՄԵԿ ԱԶԳ ԴԱՇԻՆՔԻ ՀԱՄԱՆԱԽԱԳԱՀ՝ ԳՈՌ ԹԱՄԱԶՅԱՆ

Ֆլեշ ֆիլմերը նոր պատուհանում բացել

Անմահությունը և երջանկությունն անհամատեղելի
են, այն միայն աստծո մենաշնորհն է:

Ամբոխին հաց ու զվարճանք քաղաքականությունը մինչ օրս գործում է, ցանկանալով մոռացության տալ` ծանր շղթաների առկայությունը:

Պարտությունը կարող է սպիացնել լոկ հաղթանակը:

Մեծերի փառքը, բայց ոչ էությունը, ահա ինչն է ամբոխին գրավում:

Կարողացիր միշտ քո կամքով և ցանել, և հնձել:

Այն ժողովուրդը, որ հանդուրժում է իր միջի բռնակալին, հեշտությամբ կհանդուրժի նաև` օտարի լուծը:

Կան կրքեր, որոնցով երբ ապրում ենք, սովորում ենք ճախրել` նվաճելով անմահություն:

Խոնարհված կամք` զուրկ արժանապատվությունից, իմաստությունից. ուրեմն էլ ինչու ես բողոքում` ամբոխ, ինքդ քո դառը ճակատագրից:

Ամբոխը խոնարհվում է միայն ճանչված անունների առջև, բայց ո'չ էության:

Կա հավատ, ուրեմն կա նաև պայքար:

Երբ ազգը ծարավ է սոցիալական հեղափոխության, իշխանավորներն այն վիժեցնելու համար տալիս են լոկ ռեֆորմներ:

Փառքը մշտապես պետք է սնուցել նոր փառքով:

Այո սոցիալիզմին, ոչ կապիտալիզմին. լիբերալ բառի ետևում թաքնված:

Եթե պետական գործիչները չուղղորդեն արվեստագետներին, երբեք չի ծնվի մշակույթ, ինչը ունակ է ծառայելու ազգի շահերին:

Այն ժողովուրդը, որի մոտ հյուրընկալությունը շատ է ընդգծված օտարի նկատմամբ, իր մեջ պարունակում է օտարամոլություն ու ստրկամտություն:

Յուրաքանչյուրիս մեջ կա և սև, և սպիտակ, պարզապես մեկի մեջ սևն է գերակայում, իսկ մյուսի մեջ էլ` սպիտակը:

Երբ դեռ կարդում ես, գրում, ատում, իսկ ամենից գլխավորը` հավատում ես, ուրեմն կարող ես հաղթել նույնիսկ ամենից զորեղ հրեշին:

Այսօր ուզում ես զարմացնել` եղիր բարոյական, ուզում ես զարմացնել` դարձիր գաղափարի ռազմիկ, ուզում ես զարմացնել` կառափնարան բարձրացրու բռնակալին, ուզում ես զարմացնել` ինքդ մի դարձիր բռնակալ:

Երբ հոգով ստրուկ են, նմանների մոտ ամեն բան դառնում է անհնարին:

Ժամանակն ամենից շատ վախենում է քաջերից, ու հանճարներից:

Մեծ կրքերով ապրում են ուժեղ հոգու տեր մարդիկ, որոնք ծնվել են լոկ ստեղծելու և կերտելու համար:

Կամք և իմաստություն, ահա ինչն է ծնում միայն հաղթանակներ:

Կան արցունքներ, որոնք լի են միայնակությամբ, բայց ոչ վախով:

Երբ բախվում ես իրականության հետ, ուզում ես նորից մանկանալ և չնկատել անէությունը ամենուր, ուրեմն համառի այնքան, որ ունակ լինես գլխատելու իրականությունը:

Կապիտալիստական հասարակարգից մինչև ստրկատիրական հասարակարգ` մեկ քայլ է:

Քաղաքականությունը շատերի մոտ լոկ կիրք է, և չափազանց քչերի մոտ լոկ միջոց` պատմություն կերտելու:

Երբ շքեղությունը և արատը թակում են հասարակության դուռը, հասարակությունը վերածվում է ամբոխի` ոտատակ տալով այն ամենը, ինչ կոչվում է վեհություն:

Միշտ միայնակ, այսպես սկսում են մեծությունները, այսպես էլ ավարտում, իրենց մեծ երազի ճանապարհը:

Ծով արցունք կա մեծ սրտերում:

Գաղթականներ և օտարամոլներ. ահա այն ստրկամիտների բանակը, որ առաջինն է կեղեքում իր իսկ հայրենիքը:

Երբ կարողանում ես սպանել ինքդ քո մեջ ամբոխին ամեն օր, ամեն րոպե ու քայլել այն ճանապարհով, ուր քեզ սպասում են քո մեծ հերոսները, ուրեմն քո ազգը, վաղ թե ուշ վեր կխոյանա` նվաճելով անմահություն:

Կա բարոյական վարք, կա իմաստություն, ուրեմն էլ ոչինչ հարկավոր չէ անասունից զանազանվելու համար:

Երբ մեծերը իրենց իսկ հաղթանակներից հարբում են, ակամա ճանապարհ են բացում իրենց իսկ կործանման համար:

Հարգիր և նմանվիր ուժեղ հոգու տեր մարդկանց, ում եսը խոնարհվում է բարոյականության, իր երակի, ու իր հայրենիքի առջև:

Ում մոտ հացի խնդիրը կյանքի գերխնդիր է, նրան հոգեհարազատ է ստորաքարշությունը:

Երբ հետաքրքրությունը գլորվելով վերածվում է պահանջարկի, իսկ պահանջարկը` խորը պահանջարկի, ուր տարին չքանում է ինչպես վայրկյան, դա արդեն սեր է:

Երբ հսկան մնում է միայնակ, նրա հոգու բոլոր վերքերը խոսում են, ու այդ նենգ քմծիծաղը նրան դարձնում է էլ ավելի նպատակասլաց, էլ ավելի կառչած իր մեծ երազից:

ՀԵՂԻՆԱԿ ՄԵԿ ԱԶԳ ԿՈՒՍԱԿՑՈՒԹՅԱՆ ԱՌԱՋՆՈՐԴ՝ ԳՈՌ ԹԱՄԱԶՅԱՆ

Ֆլեշ ֆիլմերը նոր պատուհանում բացել

Երաժշտությունը հաճախ մեզ տանում է այնքան հեռու, հաճախ էլ այնքան մոտ, այն վերքերին, որոնք երբեք չեն սպիանում:

Երբ բախվում ես մեծն Նժդեհի զորությանը, ու ընկղմվում ես այդ մեծ հսկայի աշխարհը, դրանից հետո նոր ես հասկանում, թե քո գենը որքան վեհ է ու որքան զգայուն:

Նույնիսկ ամենից` վեհ գաղափարախոսությունը, երբ իր թիկունքում չի ճաշակում` անձնազոհ պայքար, ունակ չի դառնում իր խոսքը ասելու` դարերին:

Կանգ առ վայրկյան. այսպես երանությամբ լոկ բղավում են ո'չ միայն սիրող զույգերը իրար հանդիպելուց, և ո'չ միայն արվեստագետները, իրենց` գլուխգործոցը ավարտելուց, այլ ամենից շատը` հեղափոխականները, երբ իրենց պողպատե կամքով, ու թափված ծո'վ արցունքով` բռնակալին ու նրա անէությանը գլորում են պատմության աղբարկղ, ու վայելում, իրենց մեծ գաղափարների` արևածագը:

Ով է ավելի իշխո'ղ, մարդը, թե աստծո մարգարե ակնթարթը` լի ծո'վ տենչանքներով ու սպասումներով` մեկին` երջանկություն, մյուսին` դժբախտություն, մեկին` հաջողություն, մյուսին` անհաջողություն ավետող:

Գաղափարախոսը վաղ, թե ուշ իր հոգու համառությամբ հասնում է իր հաղթանակին, ու վայելում է վեհության փառքը` այն դարձնելով հավերժ փարոս բարձրագույն էակների համար:

Ով է ավելի խանդոտ` կինը, թե վեհության գաղափարը, որին տրվում է իսկական տղամարդը` մոռանալով իր մեջ առկա բնությունը, ինչը կոչվում է կին ու նախընտրում իր նախնյաց հայրենիքի ցավը, հոգսը, իր գենի վրեժը:

Երբ նողկալի իսկության դիմակը պատռող քո դատողությունները տալիս ես լոկ թղթին, դրանով դու ոչ թե պետք է հպարտանաս, այլ` միմիայն ամաչես, որ դեռ չես հաղթել այդ իսկությանը իրական կյանքում:

Եթե նպատակդ իր էությամբ վեհ է, երբեք այն կես ճանապարհին մի զոհաբերի:

Հռչակ վայելող տղամարդը սարսափելի տառապանք է սիրող կնոջ համար, բայց նաև այդ նույն կնոջ սրտում, թաքնված տենչանք է, ինչը ծնունդ է առնում նրա իսկ փառասիրությունից, մեկընդմեջ այն շոյելով, ու մտրակելով:

Մեկ հանճարն արժե մի ամբողջ տաղանդների բանակ:

Մի երկրում, ուր բացակայում է հարգանքը դեպի բարոյականությունը, ծարավը դեպի` նախնյաց պատգամները, այնտեղ չի կարող թևեր առնել` ազգային գաղափարախոսությունը:

Ազգայնականության նկատմամբ ծարավը վաղ, թե ուշ ծնում է հեղափոխություն, և բավական է յուրաքանչյուրս բարձր ծիծաղենք` բռնակալի վրա, կարող ենք համարել, որ` հեղափոխությունը, սկսված է:

Վայրի պայքարի գերհոգնածության ժամին բացառիկ հերոսը անում է առավել անհնարինը և հերոսից վերածվում է արդեն մեծության:

ՀԵՂԻՆԱԿ ՄԵԿ ԱԶԳ ԿՈՒՍԱԿՑՈՒԹՅԱՆ ԱՌԱՋՆՈՐԴ՝ ԳՈՌ ԹԱՄԱԶՅԱՆ

Իմ անձնագիրը:	Անձնագիր � Կառավարում � Փոստ � Հյուրատետր � Ընկերներ � Սև ցուցակ � Գրառման գրքույկ � Հասցեների գրքույկ
Զրույց:	Սկիզբ � Ֆորումներ � Օրագրեր � Ակումբներ � Տեսախցիկ � Լուս. ալբոմներ � Ծանոթություններ � Օգտվող
Ժամանց:	Գեղեցկության մրցույթ
Օգտակար:	Սմայլիկներ � Անձնանշաններ

� 2007-2012 26l.mobi	Abuse
Desktop Version
Հայերեն � Беларуская � Nederlands � English � Français � ქართული � Deutsch � Lietuvių � Русский � Українська �