ԻՆՈՎԱՑԻԱ

Գիտնականներ. Հայհոյանքն ընտիր ցավազրկող միջոց է

Ապրիլ 19, 2011 | 22:56

Գրաքննությունից դուրս հայհոյանքը հզոր ցավազրկող ազդեցություն է թողնում հատկապես այն մարդկանց մոտ, ովքեր սովորաբար չեն կիրառում ոչ նորմատիվ բառապաշար, կարծում են բրիտանացի գիտնականները Կիլ համալսարանից:

Տվյալ թեզը ստուգելու համար, կամավոր ուսանողներն իրենց ձեռքերն իջեցրել են սառցե սառնության ջրով լի դույլերի մեջ` միաժամանակ հնարավորինս բարձր գոռալով հայհոյանքներ: Որոշ ժամանակ անց նրանք կրկնել են փորձը, սակայն ընթացքում հայհոյանք չեն կիրառել, գրում է Daily Telegraph-ը:

Գիտնականները պարզել են, որ առաջին դեպքում ուսանողները էապես ավելի երկար են պահել իրենց ձեռքերը ջրի մեջ: Եվ դա հանգեցրել է այն եզրակացության, որ հայհոյանքը ավելացնում է մարդու ցավի շեմը:

Այդ ուսումնասիրությունները ցույց է տալիս հնարավոր պատճառներից մեկը, թե ինչու են առաջացել հայհոյանքներն ու պահպանվել մինչեւ այսօր:

Դե ժողովուրդ ջան,առխային հայհոյեք,չհայհոյելը վնասակար է առողջությանը

Իրանը «մահմեդական» Ինտերնետ է ստեղծում

Ապրիլ 19, 2011 | 11:55

Իրանի նախագահի աշխատակազմի տնտեսական վարչության ղեկավար Ալի Ագամոհամադին հայտարարել է, որ երկրի իշխանությունները մտադիր են ստեղծել իսլամական ավանդույթներին համապատասխան ինտերնետի տարբերակ:

Զուգահեռ ցանցը, որը համապատասխանում է իսլամական սկզբունքներին, վերջին հաշվով, Իրանի առաջնորդների մտահղացումն է, կօգնի պայքարել արեւմտյան ազդեցության դեմ եւ դուրս կմղի ամերիկյան գյուտին մահմեդական երկրներում: Այս մասին հաղորդել է MIGnews-ը:

Նախագիծը «բարոյական եւ բարոյագիտական մակարդակներում» կլինի մահմեդական: «Մեկ այլ նպատակ է պարսկերենի տարածումը, որպես միջազգային շփման լեզու»,- ասել է իրանցի պաշտոնյան:

Այդ նպատակով էլ ստեղծվել է «Iranian net» կոնսորցիումը: Այն սկզբնական փուլում իր ծառայությունները կմատուցի օպտիկամանրաթելային ցանցի միջոցով 10 մլն սպառողների շրջանում:

Philips-ն այլեւս հեռուստացույցներ չի արտադրի

Ապրիլ 19, 2011 | 02:34

Հոլանդական Philips ընկերությունն ազատվելու է հեռուստացույցների թողարկման ստորաբաժանումից: Ինչպես հայտնում է Bloomberg-ը, ընկերությունը այդ ստորաբաժանման 70 տոկոսը վաճառելու է չինական պայմանագրային TPV Technology ընկերությանը: Գործարքի թիվը չի հաղորդվում:

Philips-ն իրեն կպահի ստորաբաժանման բաժնետոմսերի 30 տոկոսը, նաեւ գումարներ կստանա իր ապրանքանիշը արտադրվող հեռուստացույցների վրա օգտագործելու համար: Ամենամյա մուծումների չափը կազմելու է առնվազն 50 միլիոն եվրո:

Բիզնեսի վաճառքի որոշումը կայացրել է ընկերության նոր գլխավոր տնօրեն Ֆրանս վան Հաութենը, ով զբաղեցրել է պաշտոնը 2011թ. ապրիլի 1-ից:

iPhone-ն ու iPad-ը լրտեսներ են. Դրանք խորհուրդ չեն տալիս անհավատարիմ ամուսիններին եւ կանանց

iPhone սմարտֆոններն ու iPad պլանշետները 3G մոդուլով մշտապես արձանագրում են օգտվողի գտնվելու վայրը եւ պահում ներքին հիշողության մեջ: Այլ մասին O`Reilly Radar բլոգում հայտնել են բրիտանացի ծրագրավորողներ Փիթ Ուորդենն ու Ալասթեր Ալլանը:

Նրանք iPhone-ի եւ iPad-ի հիշողության մեջ consolidated.db անունով ֆայլ են գտել, որտեղ նշված են աշխարհագրական կոորդինատները, որտեղ եղել է օգտվողը, նաեւ նշվել էժամանակը: Ընդհանուր առմամբ, տվյալների բազայում 10 հազար գրառում է պահվում, հաղորդում է Lenta.ru-ն:

iPhone-ի կամ iPad-ի` համակարգչի հետ սինխրոնիզացիայի ժամանակ consolidated.db ֆայլը պատճենահանվում է կոշտ սկավառակի վրա: Ֆայլը կոդավորված չէ, այն կարող է դիտել ցանկացած մարդ, այդ թվում ««խանդոտ ամուսինը կամ ազնիվ դետեկտիվը», գրել են հետազոտողները:

Հայաստանում կբացվի «Microsoft»-ի ինովացիոն կենտրոն` առաջինը Անդրկովկասում

Հայաստանում «Microsoft»-ի ինովացիոն կենտրոնը կբացվի մայիսի 11-ին:Այս մասին ասաց «Microsoft»-ի հայաստանյան գրասենյակի տնօրեն Գրիգոր Բարսեղյանը: Նրա խոսքով՝ միջոցառմանը ներկա կգտնվի ընկերության տարածաշրջանային տնօրենը եւ հյուրեր տարբեր առաջատար ընկերություններից։

Կենտրոնը կգործի Հայաստանի պետական ճարտարագիտական համալսարանի տարածքում եւ կզբաղեցնի մոտ 500 քմ տարածք: Ըստ Գ. Բարսեղյանի`բուհի տարածքը հատուկ է ընտրված` ուսանողներին ավելի մատչելի լինելու համար:

«Ինովացիոն կենտրոնը լինելու է անվճար ու բաց բոլորի համար, կենտրոնի աշխատանքներին կարող են մասնակցել նաեւ ՏՏ ընկերությունների աշխատակիցներ եւ անկախ մասնագետներ»,-ասաց Գ. Բարսեղյանը: Կենտրոնում կդասավանդվեն բիզնեսը կազմակերպելու հմտություններ՝ մենեջմենթ, մարկետինգ եւ այլն, ինչը կաջակցի ինչպես Հայաստանում նորաստեղծ ընկերությունների ստեղծմանը, այնպես էլ արդեն գործող ընկերությունների աճին։

Գ. Բարսեղյանի խոսքով՝ ինովացիոն կենտրոնում կներկայացվեն ինչպես «Microsoft»-ի, այնպես էլ աշխարհի այլ առաջատար ՏՏ ընկերությունների նոր տեխնոլոգիական լուծումները:

Նշենք, որ Հայաստանում «Microsoft» ինովացիոն կենտրոնի ստեղծումը Հայաստանի կառավարության, ԱՄՆ Միջազգային զարգացման գործակալության, Ձեռնարկությունների ինկուբատոր հիմնադրամի, «Microsoft RA» ընկերության համագործակցության արդյունք է: Կենտրոնի ստեղծման բյուջեն կազմում է մոտ 2,5 մլն դոլար: Նախատեսվում է, որ Կենտրոնը երեք տարի հետո կանցնի ինքնաֆինանսավորման։

Տեղեկացնենք, որ «Microsoft» ընկերությունը 80-ից ավելի ինովացիոն կենտրոնններ ունի աշխարհի ավելի քան 80 երկրներում, իսկ Հայաստանում ստեղծվելիք կենտրոնը կդառնա առաջինը Անդրկովկասում:

Երիտասարդ ամերիկացին խելագարվել է spam-ի պատճառով. դա առաջին դեպքն է աշխարհում

Ապրիլ 23, 2011 | 14:18

ԱՄՆ-ում գրանցվել է spam-ի պատճառով հոգեկան խանգարման առաջին դեպքը:

Նյու Յորքի 28-ամյա բնակիչ Ջերեմի Քլենսը բառի բուն իմաստով խելագարվել է փոստարկղում այդ անօգուտ եւ գովազդային նամակների պատճառով: Հիմա նա հոգեբուժարանում է: Սա աշխարհում առաջին դեպքն է, երբ համացանցում spam-ի տարածումն առողջ մարդու մոտ հոգեկան խանգարում է առաջացնում, հաղորդում է Supreme2.Ru-ն:

Ջերեմի Քլենսի խոսքով` ինքն իր ժամանակի մեծ մասն անցկացնում է սոցիալական ցանցերում, եւ spam-ի առկայությունն ամենուր հասցրել է նրան, որ սկսել է փնտրել յուրաքանչյուր հասցեատիրոջ` չխնայելով առողջությունն ու զրկվելով քնից:

Երեկոները նա գաղտնի այցելել է իրեն զզվեցրած անձանց տուն եւ կտրել է հաղորդալարերը, որպեսզի փոքր-ինչ իրեն հանգիստ թողնեն: Սակայն Քլենսին ձերբակալել է ոստիկանությունը: Պարզվել է, որ նա տառապում է հոգեկան հիվանդությամբ:

Այլ մոլորակների վրա բույսերը կարող են սեւ գույն ունենալ

«Կարմիր գաճաճների» դասին պատկանող աստղերի շուրջը պտտվող էկզոմոլորակների բույսերը կարող են սեւ տերեւներ եւ ծաղիկներ ունենալ: Այդպես են կարծում դեռեւս չհրապարակված հետազոտության հեղինակները, ովքեր զեկույցով հանդես են եկել Ուելսում կայացած Ազգային աստղագետների միության նիստում:

Սենտ Էնդրյուս համալսարանի ասպիրանտ եւ աստղակենսաբան Ջեկ Օ` Մալի- Ջեյմսը ենթադրում է, որ նմանատիպ մոլորակներում հիպոթետիկ ֆլորան ֆոտոսինթեզի համար պետք է հարմարվի լուսավորման բոլորովին այլ աղբյուրների, գրում է ВВС-ին:

Եթե այդպիսի մոլորակի համար լույսի աղբյուրը համարվում է կարմիր գաճաճը, ապա հետազոտողի կարծիքով, մոլորակի վրա աճող բուսականությունը կունենա սեւ կամ մոխրագույն երանգ:

Հայաստանը կունենա նորագույն տեխնոլոգիաներով եզակի թանգարան` նվիրված Կոմիտասին

2015թ.-ին Հայաստանը կունենա նորագույն տեխնոլոգիաներով եզակի թանգարան` Կոմիտասին նվիրված: Թանգարանը առանձնահատուկ է նրանով, որ այնտեղ հնարավոր կլինի տեսնել Կոմիտասի կյանքը եւ ներաշխարհը եռաչափ մոդելավորմամբ:

«Տեղեկատվական տեխնոլոգիաներ եւ կրթություն» ընկերության նախագահ Գարեգին Չուգասզյանը ասաց, որ նմանատիպ թանգարաններ ունեն աշխարհի շատ քիչ երկրներ:

«Սա իրականի եւ վիրտուալի համադրությունը կլինի: Իրական թանգարանում մեծ էկրաններով կներկայացվի Կոմիտասին վերաբերող տեղեկատվությունը գերժամանակակից տեխնոլոգիաների միջոցով»,-ասաց Գ. Չուգասզյանը

Նրա խոսքով` արդեն հաջորդ տարի հնարավոր կլինի տեսնել իրական թանգարանի եռաչափ օնլյան մոդելը:

Աստվածաշունչը` mp3 ֆորմատով. 90 ժամ

Ապրիլ 25, 2011 | 21:34

Սոֆիայում Աստվածամոր Դրագալեւյան վանքն աուդիոդիսկ է թողարկել Աստվածաշնչի ամբողջական տեքստով, բուլղարերեն լեզվով: Սուրբ գրքի ողջ տեքստը զբաղեցրել է 90 ժամ` mp3 ֆորմատով:

Տեքստը կարդում է տիկնիկային թատրոնի դերասան Պյոտր Եվանգելատովը, հաղորդում է «Regions.ru»-ը:

Ամերիկյան գերհրաբուխը կարող է արթնանալ եւ ոչնչացնել աշխարհի կեսը

Երկիր մոլորակի վրա մեծանում է սեյսմիկ ակտիվությունը, անգամ տեկտոնիկ տեսանկյունից կայուն շրջաններում: Գիտնականների կարծիքով, գլխավոր վտանգը ներկայացնում են այսպես կոչված, սուպերհրաբուխները, որոնց թիվն աշխարհում 20-30 է: Նրանցից մեկը գտնվում է ԱՄՆ Յելոուսթոունում: Եթե այդ գերհրաբուխն արթնանա, այն կոչնչացնի ոչ միայն Ամերիկան, այլ նաեւ աշխարհի կեսը:

Մոսկվայի պետական համալսարանի աշխարհագրության ֆակուլտետի քարաբանության ամբիոնի պրոֆեսոր Պավել Պլեչովի խոսքով, հայտնի է այդ գերհրաբուխի երեք ժայթքումներ:

«Առաջինը տեղի է ունեցել 2,1 մլն տարի առաջ, երկրորդը` շուրջ 1,2 մլն տարի առաջ, իսկ վերջինը` 640 հազար տարի առաջ: Մենք կարող ենք սահմանել ժայթքման միջակայքը 600 հազար տարի: Այդ տեսանկյունից, հիմա, հնարավոր է, պատրաստվում է նոր ժայթքում»,- ասել է Պլեչովը:

Միաժամանակ, նրա խոսքով, մեզ դեռ ոչինչ չի սպառնում: «Առնվազն վաղը այն չի ժայթքի»,- վստահեցրել է պրոֆեսորը:

Իմ անձնագիրը:	Անձնագիր � Կառավարում � Փոստ � Հյուրատետր � Ընկերներ � Սև ցուցակ � Գրառման գրքույկ � Հասցեների գրքույկ
Զրույց:	Սկիզբ � Ֆորումներ � Օրագրեր � Ակումբներ � Տեսախցիկ � Լուս. ալբոմներ � Ծանոթություններ � Օգտվող
Ժամանց:	Գեղեցկության մրցույթ
Օգտակար:	Սմայլիկներ � Անձնանշաններ

� 2007-2012 26l.mobi	Abuse
Desktop Version
Հայերեն � Беларуская � Nederlands � English � Français � ქართული � Deutsch � Lietuvių � Русский � Українська �