Քաղաքականություն

Ֆրանսիայի Սենատն ընդունեց Հայոց ցեղասպանության ժխտումը քրեականացնող օրինագիծը01:27 • 24.01.12

Ֆրանսիայի խորհրդարանի վերին պալատը՝ Սենատը, վայրկյաններ առաջ ձայների 127 կողմ և 86 դեմ հարաբերակցությամբ ընդունեց ցեղասպանությունների ժխտումը քրեականացնելու մասին օրինագիծը (օրինագիծը վերաբերում է Ֆրանսիայի կողմից ճանաչված ցեղասպանությունների ժխտման քրեականացմանը։ Ֆրանսիան Հայոց ցեղասպանությունից բացի ճանաչել է նաև հրեաների ցեղասպանությունը՝ Հոլոքոստը, որի ժխտումն արդեն իսկ քրեականացված է Ֆրանսիայում):

Օրինագիծը դեկտեմբերի 22–ին արժանացել էր Ֆրանսիայի խորհրդարանի ստորին պալատի՝ Ազգային ժողովի հավանությանը։

Նոր օրինագծի համաձայն՝ Ֆրանսիայում Հայոց ցեղասպանությունը ժխտողներին 1 տարվա ազատազրկում է սպառնում և 45.000 եվրո տուգանք։

Օրինագիծն այժմ պետք է ներկայացվի Ֆրանսիայի նախագահ Նիկոլա Սարկոզիի ստորագրմանը։

Պաշտոնական Անկարան բազմիցս հայտարարել է, որ այդ օրինագծի ընդունումն «անդառնալի հետևանքներ է ունենալու» թուրք–ֆրանսիական հարաբերությունների համար։

Թուրքիայի վարչապետ Ռեջեբ Թայիբ Էրդողանը բազմաթիվ անգամ հայտարարել է, որ վերոնշյալ օրինագիծն ուղղված է Թուրքիայի պետության, թուրք ժողովրդի և Ֆրանսիայում ապրող թուրքական համայնքի դեմ։

«Ցանկանում եմ բացահայտ կերպով հայտարարել, որ նման քայլերը շատ ծանր հետևանքներ են ունենալու թուրք–ֆրանսիական քաղաքական, տնտեսական և մշակութային հարաբերությունների համար, իսկ դրա պատասխանատվությունն ամբողջությամբ այդ քայլի նախաձեռնողների վրա է»,– մոտ մեկ ամիս առաջ Ֆրանսիայի նախագահին ուղղված նամակում գրել էր Էրդողանը։

Իսկ հունվարի 23–ին Թուրքիայի վարչապետը հայտարարեց, որ եթե Ֆրանսիայի Սենատն ընդունի ցեղասպանությունների ժխտումը քրեականացնող օրինագիծը, ինքն այլևս ոտք չի դնի Ֆրանսիա։

ԿԵՑՑԵ ՖՐԱՆՍԻԱՆՆՆՆՆՆՆՆՆՆՆՆՆՆ!!!!!!!!!!!!!!!!!!!

Կեցցես Սարկոզի,որ թուրքերին հասցրեցիր նարկոզի!

Ցեղասպանության քրեականացման օրինագծի սահմանադրականությունը չի վիճարկվելու

Ֆրանսիայի խորհրդարանի ստորին պալատի խոսնակ Բեռնար Ակուայեն հրաժարվել է երկրի սահմանադրական խորհրդում վիճարկել Հայոց ցեղասպանության հերքումը քրեականացնող օրենքի սահմանադրականությունը երկրի Սահմանադրական խորհրդում:

«Օրինագիծը Սահմանադրական խորհրդում վիճարկման հարց դրված չէ: Անհրաժեշտ է հասնել այն բանին, որ շահագրգիր կողմերը հանդարտություն պահպանեն: Կարևոր է մեր թուրք գործընկերներին բացատրել, որ այս փաստաթղթի տեքստն ուղղված չէ նրանց դեմ, չնայած որ նրանք այլ տեսակետ ունեն», - ասել է Ստորին պալատի խոսնակը:

Օրինագծի սահմանադրականությունը իրավունք ունեն նաև վիճարկել խորհրդարանի վերին պալատի խոսնակ Ժան-Պյեռ Բելը, Ֆրանսիայի նախագահ Նիկոլա Սարկոզին, ինչպես նաև, նվազագույնը 60 խորհրդարանականներից կազմված խումբը:Սակայն, ինչպես նշում են մի շարք լրատվամիջոցներ, նման քայլի հավանականությունը չափազանց ցածր է, քանի որ օրինագիծը մշակվել է նոխագահական կուսակցության` «Ժողովրդական շարժման աջակցման միության» կողմից և, հետևաբար ունի Ելիսեյան պալատի աջակցությունը: չափազանց ցածր է նաև օրինագիծը` նախագահ Սարկոզիի կողմից չվավերացվելու հավանակությունը

Ելիսեյան պալատ. Սարկոզիին Թուրքիայի սպառնալիքները չեն անհանգստացնում

Ֆրանսիայի նախագահ Նիկոլա Սարկոզին կհաստատի Ֆրանսիայի կողմից ընդունված ցեղասպանությունների, այդ թվում Օսմանյան Թուրքիայում Հայոց ցեղասպանության ժխտումը քրեականացնող օրինագիծը, որն ավելի վաղ ընդունվել է Ֆրանսիայի Ազգային ժողովի եւ սենատի կողմից` ուշադրություն չդարձնելով թուրքական կողմի սպառնալիքներին, «Ֆրանս Փրեսս» գործակալությանը հայտնել է Ելիսեյան պալատի աղբյուրը:

«Նախագահը 1915թ. Հայոց ցեղասպանության ժխտումը քրեականացնող օրինագիծը կհաստատի ընդունված ժամանակացույցի շրջանակներում, այսինքն` երկու շաբաթվա ընթացքում»,- նշել է աղբյուրը:

Գյումրիում Սարկոզի է ծնվել. ախուրիկցի զույգն այդպես է շնորհակալություն հայտնում Ֆրանսիային

Այսօր Գյումրիի ծննդատանը ժամը 14:30-ի սահմաններում Ախուրիկի բնակչուհին տղա է լույս աշխարհ բերել, որին ծնողները Սարկոզի են անվանել` այդպիսով իրենց շնորհակալությունը հայտնելով Ֆրանսիային Սենատի կողմից Հայոց ցեղասպանության ժխտումը քրեականացնող օրինագծի ընդունման համար:

Ախուրիկցի զույգը, որի առաջնեկն է երեխան, մտածել են, որ եթե երեխային կոչեն Նիկոլա, շատերը չեն հասկանա, որ նկատի ունեն Ֆրանիսայի նախագահին, այդ պատճառով էլ կոչեն են Սարկոզի:

Գյումրիի ծննդատան տնօրեն Արմեն Իսահակյանը մեր թղթակցի հետ զրույցում ասաց, որ երեխան ծնվել է 3 կգ. քաշով, 50 սմ. հասակով: Նրա խոսքով` երեխային կկոչեն Ավետիսյան Սարկոզի Ավետիսի:

«Ես հոր հետ եմ խոսել, ասաց, որ մտադիր են եղել երեխային պապի անունով կոչել, սակայն հայրն ասել է, որ ինքը հեռոսստատեսությամբ հետևել է Ֆրանսիայի Սենատում օրինագծի քննարկման ամբողջ ընթացին ու երբ այն ընդունվել է, այնքան է ուրախացել, որ մտածել է երեխային անվանակոչելով կկարողանա այդպիսով արտահայտել իր շնորհակալությունը»,- պատմեց ծննդատան տնօրենը:

Արմեն Իսահակյանի խոսքով` փոքրիկ Սարկոզիի լույս աշխարհ գալու կապակցությամբ իրենց անձնակազմը շատ է ուրախացել և նվերներ է արել երեխային: Ըստ նրա`երեխայի ծնողներին այս առիթով ֆինանսական աջակցություն է ցուցաբերել նաև «Հայաստանի հանրապետական կուսակցությունը», Սուքիաս Ավետիսյանի գրասենյակից:

Նորածնի մայրը` Նառա Քոչարյանը մեր թղթակցի հետ զրույցում ասաց, որ ինքն այնքան էլ լավ չի զգացել իրեն, և երեխային Սարկոզի կոչելու որոշումն ընդունել է ամուսինը: Նորածնի մայրը, սակայն, գոհ է ամուսնու որոշումից:

Մեր հարցին, թե գյումրեցիներն ինչպես կընդունեն «Սարկոզի» անունը, կամ ինչպես կկոչեն փոքրիկին, Նառան Քոչարյանը պատասխանեց. «Ես կարծում եմ, որ ինքն իրեն շատ ավելի լավ կզգա, երբ մեծանա ու իմանա, որ հանրահայտ մարդու անուն է կրում»:

ու այո

պետք լինի Ռավալոմանանա էլ կդնենք,մենակ թե Մադագասկարից սկսած բոլորն ընդունեն

a.arpi.a գրել է (25 Հուն. 2012 18:41

) :

ու այո

պետք լինի Ռավալոմանանա էլ կդնենք,մենակ թե Մադագասկարից սկսած բոլորն ընդունեն

Դու կդնես,քեզանից հավատում եմ

դու միանգամից ասա՝ ինձնից ինչ չես սպասում??

Իմ անձնագիրը:	Անձնագիր � Կառավարում � Փոստ � Հյուրատետր � Ընկերներ � Սև ցուցակ � Գրառման գրքույկ � Հասցեների գրքույկ
Զրույց:	Սկիզբ � Ֆորումներ � Օրագրեր � Ակումբներ � Տեսախցիկ � Լուս. ալբոմներ � Ծանոթություններ � Օգտվող
Ժամանց:	Գեղեցկության մրցույթ
Օգտակար:	Սմայլիկներ � Անձնանշաններ

� 2007-2012 26l.mobi	Abuse
Desktop Version
Հայերեն � Беларуская � Nederlands � English � Français � ქართული � Deutsch � Lietuvių � Русский � Українська �